segrina1 - @ 20six.de

hani vili vo mine gedicht uf mundart, ebe schwizertütsch gschribe. i ha zwar ke reine dialäkt, aargauer- und bärntütsch hei sech vo mine eltere här vermischt, und mängs johr z'schaffhuuse hei ou spure i minere sproch hinderloh.
aber rede tuen i doch jede tag schwizertütsch, ou wenn i scho lang im ussland läbe.
jetzt het mer de mikel mit sim neue mundart-wäblog der aastoss ggäh, s'au emol z'probiere. so hani jetz mini uralte gedicht uusgrabe und stelle se mol do i nere lockere reihe i. und wär weiss, vilech chunnt jo uf s'mol s'eint oder s'andere neue gedicht derzue...

18.1.04 00:22

verlinken

freiheit

e stross
e gääle streife
es liechtsignau

hesch jo
immerhin no
di pärsönlech freiheit
bi rot
drüberzgo

oder?

aber
weisch jo sälber
gspürsch jo sälber
merksch jo sälber
was
freiheit
sygi

eigetlech

(gschribe 1975)

18.1.04 00:01

verlinken

[erste Seite] [eine Seite zurück]

Verantwortlich für die Inhalte und Daten dieses Weblogs ist der Autor.
Datenschutzerklärung / Dein kostenloses Weblog bei 20six.de / myblog.de!
Werbung: Neckermann.de / Hotels / Conrad / Reisen
/ Kfz-Versicherung